العودة   منتديات المصطبة > الأقسام العامة > السياحة والسفر والتاريخ

السياحة والسفر والتاريخ كل ما يتعلق بالأماكن السياحية والتاريخية حول العالم ومعرفة تاريخ جميع الدول


1 
Salah Hamouda

اسواق ميدان العتبة الخضرا بالقاهرة - صور ومعلومات عن اسواق العتبة الخضراء بالقاهرة

رحلتنا انهارده ان شاء الله حتكون الى اسواق ميدان التعبة الخضراء الشهيرة وهو يعتبر من اكبر مناطق التسوق فى القاهرة على الاطلاق ،،، كمان السوق ده بيشتهر باسعارة الرخيصة وكمان كل الاسواق فيه اسواق متخصصة يعنى فى اسواق مخصصة لاجهزة الموبايل واسواق خاصة بمحلات الملابس الخ ..

طيب نيجى قبل ما نشرح رحلتنا انهارده الى اسواق العتبة نشوف ميدان التعبة فى كتاب موسوعة القاهرة فى الف عام بيقول عن ميدان العتبة ايه .

اسواق ميدان العتبة الخضرا بالقاهرة - صور ومعلومات عن اسواق العتبة الخضراء بالقاهرة almstba.com_1342479573_878.gif

ميدان العتبة الخضراء : يعتبر ميدان العتبة الخضراء ملتقى شوارع عبدالعزيز وشارع القلعة ( محمد على سابقا ) وشارع الازهر وشارع الجيش وشارع الازبكية وشارع الاوبرا وشارع صندوق الدين .
اول ما توصل ميدان العتبة فى كذة وسيلة انك توصل بيها الميدان اول حاجه عن طريق مترو الانفاق حتنزل محطة العتبة ثانيا عن طريق اتوبيسات هيئة النقل العام تركب اى حاجه رايحة العتبة ،، اما بالنسبة لاصحاب العربيات الملاكى فممكن تركن فى جراج الاوبرا الشهير ،،


وادى صورة جراج الاوبرا اللى جنب مسرح الجمهورية فى العتبة ، والجراج ده فيه محطة الاتوبيسات الرئيسية بالعتبة

اسواق ميدان العتبة الخضرا بالقاهرة - صور ومعلومات عن اسواق العتبة الخضراء بالقاهرة almstba.com_1342479569_518.jpg

نكمل رحلتنا بقى الى سوق العتبة الرئيسى ، وهو سوق الملابس واللى موجود فى ميدان العتبة طبعا حتلاقى باعة ومحلات ملابس لكل الاعمار ولكل الاذواق وباسعار رخيصة جدا ،، ولعلمكوا كل السياح من السودان حتلاقوهم بيحبوا سوق العتبة جدا وادى صورة لسوق الملابس بالعتبة

اسواق ميدان العتبة الخضرا بالقاهرة - صور ومعلومات عن اسواق العتبة الخضراء بالقاهرة almstba.com_1342479570_296.jpg

صورة اخرى لسوق الملابس بالعتبة

اسواق ميدان العتبة الخضرا بالقاهرة - صور ومعلومات عن اسواق العتبة الخضراء بالقاهرة almstba.com_1342479571_205.jpg

خد بالك بس وانت بتشترى لحسن البلدية تيجى تاخد الواد اللى انت بتشترى منة فى الشارع هههههه

بعد كده السوق الرئيسي التانى فى ميدان العتبة هو سوق شارع عبدالعزيز ،،، طبعا السوق ده زمان كان فى بدايتة اسوق للاجهزة الالكترونية فقط لكن دلوقتى تحول هذا السوق الى سوق لاجهزة الموبايل فقط ،،، لكن فى اخر السوق سوف تجد بعض المحلات المتخصصة فى بيع الاجهزة الكهربائية المنزلية ،،
، ودى صورة لشارع عبدالعزيز المتخصص فى بيع اجهزة الموبايل

اسواق ميدان العتبة الخضرا بالقاهرة - صور ومعلومات عن اسواق العتبة الخضراء بالقاهرة almstba.com_1342479572_986.jpg

ودى اخر صورة عندى انهارده لميدان العتبة وهى للمبنى الحكومى الكبير فى ميدان العتبة وهو مصلحة البريد وقسم الموسكى والمطافى

اسواق ميدان العتبة الخضرا بالقاهرة - صور ومعلومات عن اسواق العتبة الخضراء بالقاهرة almstba.com_1342479571_583.jpg

بس كده انتهى التقرير ،،،، واشوفكم فى رحلة اخرى ان شاء الله وشكرا



Powered by vBulletin® Copyright ©2000 - 2017, Jelsoft Enterprises Ltd.
المواد المنشورة والمكتوبة فى المنتدى لا تُعبر بالضرورة عن وجهة نظر القائمين عليه ولكنها تعبر عن وجهة نظر كاتبها فقط.