العودة   منتديات المصطبة > الأقسام الأدبية > منتدى الحب والرومانسية

منتدى الحب والرومانسية مواضيع الحب والرومانسية وكل ما يتعلق بالحب وأنواعه وأروع ما قيل فيه من كلمات


1 
roka Abd Elrahman

السلام عليكم .. بعد اذن حضراتكم عاوزة رائيكم فى موضوع محدش يعرفه غيركم دلوقت و كتبت المشكلة بعد ما تعبت و مش عاوزة افكر كتير فيها و عاوزة حل .....
باختصار انا بحب واحد و طبعا ميعرفش ولا حاجة دة حب بينى و بين نفسى كدة و محدش يعرف حاجة عن الموضوع دة بس هو بيحب واحدة اووى ربنا يسعده معاها و يفرح قلبه .. عندى سؤالين بس انى بحب واحد دة اصلا حرام انى افكر فيه و ممكن يكون خيانة لاى شخص ممكن يكون فى نصيبى مستقبلا ؟؟ ( و دة مستبعد لانى حبيت خلاص مستحيل اكون مع حد و فى قلبى غيره و اصبح القلب غير متاح للخدمة مرة تانية ) ممكن تكون خيانة لاهلى انهم ميعرفوش حاجة زى كدة ( مع العلم انى مش بكلمه خالص غير فى حدود القرابة لانه قريبى و مفيش غير كدة و ربنا يعلم ) ..
و انساه ازاى .. ازاى مفكرش فيه و ابعد عنه و مش افتح بروفايله اشوف اخباره و اشوف كلامه معاها .. ازاى ؟ انا لما بشوف كلامهم بدعيله ربنا يسعده معاها و يرزقهم الحلال عشان لسة مفيش اى حاجة رسمى بينهم و عشان بحبه بجد بدعيله بس بتعب طبعاا .... اتغلب على الشعور دة ازاى ؟؟ و مش افكر فيه ازاى ؟؟ مع العلم انه قريبى يعنى مش هعرف مش اشوفه .. و مش هينفع معرفش اخباره ولا اعمله بلوك عشان مشفش كلامه ولا حاجة عنه ... اعمل ايه الله يباركلكوا و ادعولى ربنا يبعدنى عن اى حاجة مش من نصيبى .. و ادعولى ان يكون ربنا مش غضبان عليا انى بفكر فى حد و فى قلبى حد غير ربنا .. الرجاء نصيحة لوجه الله ... مشكلة شخصية s11.gif


2 
سندريلا القلوب

حاربى عشان حبك لو هو يستاهل فى حدود الادب و الاحترام
الله اعلم النصيب فين والله اعلم البنت اللى بيحبها دى فيها خير ليه و لا لا
بلاش الاستسلام ده الحب مش حرام مدام فى اطار و حدودو صلى وادعى ان لو فيه خير ليكى يكون من نصيبك ومفيش حاجه مستحيله


3 
dodye7sas

انا من راى
ان تتكلمى معاة فى حدود القرابة وبس
ولو انتى ليكى نصيب فية خلاص
مش ليكى خلاص انسى وابدى حياة جديدة
وكل شى قسمة ونصيب


4 
عاشقه الاحساس

انا من رأيى تأجلى الحب ناو خالص وخصوصا انه بيحب واحده تانيه وبعدين لو ليكى نصيب فيه اكيد ربنا مش هيبعده عنك فليه بقا توجعى قلبك وتعلقى نفسك بالحاجه من دلوقتى
واعرف ان اى حاجه بتعمليها من ورا اهلك او خايفه حد يعرفها تبقا غلط
كبرى نفسك وحافظى عليها للى يستاهلك
وف حد ربنا كتبهولك حافظى ع نفسك بقا ومترخصهاش
تنسيه بقا ف انك تبطلى تتكلمى معاه
متفكريش فيه
اشغلى نفسك ذاكرى اشتغلى اعملى اى حاجه تشغلك هى ده الحاجه اللى هتسيكى وحطى ف دماغك ان ف حد ربنا كاتبهولك ومش هتخونيه بحد تانى وهتحافظى ع نفسكك عشانه هو كمان
واعرفى انه هيجى يوم ربنا هيعوضك كل لحظه صبرتى فيها وهيفرحك
وكفاية انك هتكونى راضيه عن نفسك ^_^



Powered by vBulletin® Copyright ©2000 - 2017, Jelsoft Enterprises Ltd.
المواد المنشورة والمكتوبة فى المنتدى لا تُعبر بالضرورة عن وجهة نظر القائمين عليه ولكنها تعبر عن وجهة نظر كاتبها فقط.